इनरुवा, ११ जेठ । कोशी गाउँपालिका वडा नम्बर २ स्थित ज्योति आधारभूत बिद्यालयका विधार्थीहरुलाई चप्पल वितरण गरिएको छ ।
गाउँपालिकाले गरेको विधालयको अनुगमनको क्रममा विधार्थीहरु चप्पल नलगाई ( खालि खुट्टा) विधालय आएको भेटेपछि खासगरी विपन्न तथा गरिब समुदायका बालबालिकाहरुलाई चप्पल वितरण गरिएको अध्यक्ष एयूब अन्सारीले बताए ।
उनले ६० जना गरिब तथा विपन्न परिवारका विधार्थीहरुलाई चप्पल वितरण गरेको समेत जानकारी दिए ।
उनले गाउँपालिका अन्तर्गतको विधालयको अनुगमन गर्न ५ वटा टोली परिचालन गरेको र विधालय अनुगमन गरि प्रतिवेदन समेत पेश भएकोले शिक्षामा सुधार गर्नका लागि पालिका अगाडी बढेको बताए ।
अनुगमन टोलीले पेश गरेको प्रतिवेदन अनुसार शैक्षिक सुधारको कामलाई अगाडी बढाउने बताउदै अध्यक्ष अन्सारीले शिक्षकलाई पठनपाठन कार्यमा सक्रिय बनाउने, विद्यार्थी नभएका विद्यालयलाई गाभ्ने, विद्यालय व्यवस्थापन समितिलाई सक्रिय बनाउने, शिक्षकको सरुवा र पदस्थापन गर्ने, सामुदायिक विद्यालयमै अंग्रेजी माध्यमको पढाइ सुरु गर्ने र जनप्रतिनिधिले समयसापेक्ष शिक्षा क्षेत्रको अनुगमन गर्नुपर्ने जस्ता विषयहरु अनुगमन प्रतिवेदनबाट देखिएको समेत बताए ।
