इनरुवा, २१ साउन । बहुबिवाह सम्बन्धी प्रस्तावित मस्यौदा तत्काल परिमार्जन गर्न माग गर्दै सुनसरीका प्रमुख जिल्ला अधिकारी (प्रजिअ) लाई ज्ञापन पत्र बुझाएको छ ।
महिला मानवअधिकार रक्षक सञ्जालको अगुवाई तथा ओरेक र इन्सेकसहित अधिकारको क्षेत्रमा क्रियाशील संघसंस्थाले संयुक्त रुपमा बहुबिवाह सम्बन्धी प्रस्तावित मस्यौदा तत्काल परिमार्जन गर्न आग्रह गर्दै ज्ञापन पत्र वुझाएको हो ।
जिल्ला प्रशासन कार्यालयमा ज्ञापन पत्र समेत बुझाएको महिला मानवअधिकार रक्षक सञ्जाल सुनसरीका अध्यक्ष सहजादी प्रविणले जानकारी दिइन । जिल्ला प्रशासन कार्यालय सुनसरीका प्रमुख जिल्ला अधिकारी धर्मेन्द्र कुमार मिश्रलाई ज्ञापन पत्र बुझाएका हुन ।
महिला अधिकारकर्मीहरुले सरकारले नै बहुविवाहलाई प्रोत्साहन गर्न बहुविवाह सम्बन्धी कानुन ल्याउन लागेको आरोप लगाएका छन् । अबैधानिक तरिकाले गर्भवती भएमा वा बच्चा जन्मिएमा त्यसलाई बैधानिकता दिन सरकारले बहुविवाह सम्बन्धी कानुन ल्याउन लागेको विषय महिलाको विरुद्धमा भएकोले यसमा परिर्माजन आवश्यक रहेको बताएका छन ।
यसैबिच ओरेक, हाम्रो सहयात्रा मञ्च, इन्सेक, सिक्सा, आवाज नेपाल लगायत अधिकारको क्षेत्रमा कृयासिल संघसंस्थाका प्रतिनिधीहरुले इनरुवाका हातेमाले चोकमा बहुबिवाहसम्बन्धी मस्यौदा परिमार्जनको माग गर्दै प्रदर्शन समेत गरेका छन ।
