इनरुवा, २ कार्तिक । सुनसरीको कोशी गाउँपालिका–८ शर्मा टोलमा शनिवार राति ९ बजेतिर एक नवजात शिशु प्लास्टिकको झोलामा बेरेर फालिएको अवस्थामा फेला परेको छ ।
बच्चा रोएको आवाज सुनेर घटनास्थल पुगेका खत्वेले तत्काल इलाका प्रहरी कार्यालय भन्टावारिलाई जानकारी गराए।

प्रहरी वरिष्ठ नायब निरीक्षक पुण्यप्रसाद अधिकारीको नेतृत्वमा खटिएको टोलीले स्थानीयको सहयोगमा शिशुलाई उद्धार गरी कोशी हेल्थ केयर भन्टावारिमा प्राथमिक उपचारका लागि पुर्‍यायो।

अस्पतालका चिकित्सकका अनुसार शिशु भर्खरै जन्मिएको देखिन्छ र उद्धारको समयमा अवस्था सामान्य थियो। कसको बच्चा हो ? के कारण फालेको हो ? अनुसन्धान भईरहेको प्रहरी जनाएको छ ।