इनरुवा, ५ फागुन । सुनसरीको धरानबाट प्रहरीले ठूलो परिमाणमा गाँजा बरामद गरेको छ।

जिल्ला प्रहरी कार्यालय सुनसरीका अनुसार धरानको विष्णुपादुका क्षेत्रतर्फ आउँदै गरेका दुई वटा सवारीसाधनलाई नियमित चेकजाँच गर्ने क्रममा ९५५ केजी गाँजा फेला परेको हो।

बरामद गरिएको गाँजासहित दुवै गाडी र चालकलाई अनुसन्धानका लागि नियन्त्रणमा लिइएको प्रहरीले जनाएको छ। घटनाबारे थप अनुसन्धान भइरहेको तथा संलग्न अन्य व्यक्तिको खोजी कार्यसमेत अघि बढाइएको जनाइएको छ।