इनरुवा, १५ चैत। सुनसरीको धरान उप–महानगरपालिका–९, देवकोटा पथबाट लागुऔषध ब्राउन सुगरसहित दुई जनालाई प्रहरीले पक्राउ गरेको छ।
कोशी प्रदेश प्रहरी कार्यालय, विराटनगर र वडा प्रहरी कार्यालय धरानबाट खटिएको संयुक्त टोलीले चेकजाँचका क्रममा को ३४ प १११४ नम्बरको मोटरसाइकलमा सवार दुई जनालाई नियन्त्रणमा लिएको हो।
पक्राउ पर्नेमा भारत, बिहार सुपौलका २३ वर्षीय अदित्य सागर र २६ वर्षीय राजकुमार यादव रहेका छन्। उनीहरूको साथबाट १३ ग्राम ७५० मिलिग्राम ब्राउन सुगर बरामद गरिएको प्रहरीले जनाएको छ।
पक्राउ परेका दुवै जनामाथि थप अनुसन्धान भइरहेको छ।