इनरुवा, ५ कात्तिक । सुनसरीको भोक्राहा नरसिंह गाउँपालिका–२ स्थित श्री माध्यमिक विद्यालय नजिक मोटरसाइकल र कार एकआपसमा ठोक्किँदा घाइते भएका जनकलाल मेहताको उपचारका क्रममा मृत्यु भएको छ।

भोक्राहा नरसिंह गाउँपालिका–१ निवासी मेहता दुर्घटनामा गम्भीर घाइते भएका थिए।

स्थानीयका अनुसार आज दिउँसो करिब २ बजे मोटरसाइकल र कार एकआपसमा ठोक्किँदा मोटरसाइकलमा सवार मेहता र मोटरसाइकल चालक घाइते भएका थिए।

दुर्घटनामा घाइते दुवै जनालाई उपचारका लागि अस्पताल लगिएको थियो। उपचारकै क्रममा मेहताको मृत्यु भएको स्थानीयले बताएका छन्।