इनरुवा, ८ कात्तिक। भोजपुरको कोप्चेबाट सुनसरीको बराहक्षेत्रतर्फ आउँदै गरेको जेट बोट सप्तकोशी नदीमा दुर्घटना हुँदा तीन जनाको मृत्यु भएको छ भने एक जना घाइते भएका छन्।

प्राप्त जानकारीअनुसार जेट बोटमा १४ जना सवार थिए। बोटको इन्जिन बन्द भएपछि नदीको तीव्र बहावले किनारको भित्तामा ठोक्काएको र त्यसपछि बोट पानीमा डुबेको बताइएको छ।

दुर्घटनामा घाइते भएका व्यक्तिको उपचार तथा बोटमा सवार अन्य यात्रुहरूको अवस्थाबारे थप विवरण प्राप्त हुन बाँकी छ।