इनरुवा, २४ कार्तिक । सुनसरीको बराहक्षेत्र नगरपालिका–७ प्रगति चोकबाट प्रहरीले ब्राउन सुगरजस्तो देखिने पदार्थसहित एक युवकलाई पक्राउ गरेको छ।
मगलवार राति २ः३० बजेको समयमा अस्थायी प्रहरी चौकी बाङ्गेबाट खटिएको प्रहरी टोलीले प्रगति चोकमा शंकास्पद अवस्थामा पैदल हिँडिरहेका बराहक्षेत्र–७ निवासी २० वर्षीय सुमन बस्नेतलाई चेकजाँच गरेको थियो।
चेकजाँचका क्रममा उनको साथबाट १ ग्राम ७५० मिलिग्राम (१.७५ ग्राम) ब्राउन सुगरजस्तो देखिने पदार्थ फेला परेको प्रहरीले जनाएको छ।
उक्त पदार्थसहित बस्नेतलाई नियन्त्रणमा लिई थप अनुसन्धानका लागि इलाका प्रहरी कार्यालय महेन्द्रनगर सुनसरीमा ल्याइएको प्रहरीले जनाएको छ। घटनाबारे थप अनुसन्धान भइरहेको छ।