इनरुवा,११ असोज । विधालयको भवन निर्माणका लागि इनरुवा नगरपालिका र भारतीय राजदुतावास बीच सम्झौता भएको छ ।

इनरुवा नगरपालिका वडा नं.८ मा रहेको त्रिभुवन माध्यमिक विधालयको भवन निर्माणको लागि सम्झौता भएको हो ।

इनरुवा नगर प्रमुख केदार भण्डारीका अनुसार त्रिभुवन माध्यमिक विधालयको भवन निर्माणको लागि संघीय मामिला तथा सामान्य प्रशासन मन्त्रालय, भारतीय राजदुतावास र इनरुवा नगरपालिका बीच सम्झौता भएको हो ।

भवन तीन करोड पचास लाख नव्वे हजार ४८६ रुपैया (भ्याट बाहेक) कुल लागतमा निर्माण हुने गरि सम्झौता भएको प्रमुख भण्डारीले बताए । उनले कुल लागतको २० प्रतिशत इनरुवा नगरपालिका र ८० प्रतिशत भारत सरकारले व्यर्होने गरि सम्झौता भएको समेत जानकारी दिए ।