इनरुवा, २ कार्तिक । सुनसरीको भोक्राहा नरसिंह गाउँपालिका–३ स्थित धर्म काँटानजिक रोकिराखेको ट्याक्टरमा मोटरसाइकल ठोक्किँदा नेकपा सुनसरीका सहइन्चार्ज योगेन्द्रप्रसाद मण्डल ‘पप्पु’ घाइते भएका छन्।

लौकहीबाट इनरुवातर्फ जाँदै गरेको प्रदेश १–०२–०५७ प १२३६ नम्बरको मोटरसाइकल आइतबार साँझ करिब ७ बजे भे १ त ७०२४ नम्बरको रोकिराखेको ट्याक्टरमा ठोक्किएको थियो।

दुर्घटनामा घाइते मण्डलको भोक्राहा नरसिंहस्थित सप्तकोशी न्युरो अस्पतालमा उपचार भइरहेको छ। अस्पतालका अनुसार उनको अवस्था खतरामुक्त रहेको छ।