विराटनगर, २६ असार । कोशी प्रदेश सरकारले चालु आर्थिक वर्ष २०८१/८२ मा विनियोजित कुल बजेटमध्ये ७७.२६ प्रतिशत रकम खर्च गरेको छ।

प्रदेश लेखा नियन्त्रक कार्यालयका अनुसार ३५ अर्ब २७ करोड ९३ लाख रुपैयाँमध्ये बुधबार मध्यरातिसम्म २७ अर्ब २५ करोड ६० लाख रुपैयाँ खर्च भइसकेको छ, जुन कुल बजेटको ७७ दशमलव २६ प्रतिशत हो।
खर्चको बाँडफाँट हेर्दा पुँजीगत खर्चतर्फ ७९ दशमलव २६ प्रतिशत अर्थात् १३ अर्ब ८२ करोड रुपैयाँ खर्च भएको छ । चालू खर्चतर्फ ७५ दशमलव २९ प्रतिशत अर्थात् १२ अर्ब ४२ करोड रुपैयाँ खर्च भएको छ।

बजेट खर्चको विवरणले प्रदेश सरकारले भौतिक पूर्वाधार विकासमा बढी केन्द्रित भएको देखिएको छ। भौतिक पूर्वाधार विकास मन्त्रालयले मात्र ११ अर्ब १९ करोडमध्ये ८ अर्ब ५० करोड रुपैयाँ खर्च गरेको छ ।

खानेपानी, सिँचाइ तथा ऊर्जा मन्त्रालयले ४ अर्ब ४ करोड रुपैयाँ खर्च गरेको छ । भने प्रदेशले स्थानीय तहलाई विनियोजन गरेको ५ अर्ब ६ करोड ८५ लाखमध्ये ४ अर्ब ८७ करोड ९४ लाख रुपैयाँ खर्च भएको छ ।