काठमाडौ, ३ भाद्र । जनता समाजवादी पार्टी (जसपा) नेपालले रौतहटको गौर हत्याकाण्डको विषयलाई लिएर सर्वोच्च अदालतले गरेको आदेशविरुद्ध निकालिएको मसाल जुलुसमा सहभागी तीन सांसदसहित डेढ दर्जन नेता कार्यकर्ता प्रकाउ परेका छन ।
मंगलबार काठमाडौँको बबरमहलमा निकालेको मसाल जुलुसमा सहभागी तीन सांसदसहित डेढ दर्जन नेता कार्यकर्तालाई प्रहरीले नियन्त्रणमा लिएको हो । सरकारले राजनीतिक प्रतिशोध साँधेको भन्दै जसपा नेपालले मसाल जुलुस निकालेको थियो ।
मसाल जुलुसमा सहभागी जसपा नेपालका प्रदेश सांसद एवं प्रवक्ता मनिष सुमन गरि तीन जना प्रदेश सांसद सहित १८ जनाभन्दा बढी नेता कार्यकर्तालाई प्रहरीले नियन्त्रणमा लिएको हो । मधेस प्रदेश सांसद किरन साह, लुम्बिनी प्रदेश सांसद अम्बिका काफ्ले समेतलाई प्रहरीले नियन्त्रणमा लिएको छ ।
पूर्व मधेस प्रदेश सांसद विक्की यादव, पूर्व सांसद शशि कपुर मिया,समाजवादी महिला सङ्घकी केन्द्रीय अध्यक्ष निर्मला यादव,समाजवादी युवा सङ्गठनका महासचिव दिलिप पटेल, उपमहासचिव रेनु राज सिंह, सचिव मनिष यादव पनि प्रहरी नियन्त्रणमा छन् । यस्तै समाजवादी विद्यार्थी युनियनका केन्द्रीय अध्यक्ष मनिष यादव, केन्द्रीय सस्य बबी सिंहलाई पनि प्रहरीले नियन्त्रणमा लिएको पार्टीले जनाएको छ ।