इनरुवा, ८ भाद्र । नेकपा (एमाले) सुनसरीको अध्यक्षमा परशुराम यादव चयन भएको छ ।
आइतबार बसेको जिल्ला कमिटीको छैठौं बैठकले यस अघि कार्यवाहक अध्यक्ष रहेका यादवलाई अध्यक्ष चयन गरेको हो ।
२०८१ जेठ २४ गते जिल्ला अध्यक्ष निलम खनालको निधन भए पश्चात अध्यक्ष पद रिक्त थियो । अध्यक्ष खनालले उपाध्यक्ष यादव कार्यवाहक अध्यक्षको जिम्मेवारी दिएका थिए ।
खनाल २०८१ जेठ ५ देखि ७ गतेसम्म भएको जिल्ला अधिवेशनबाट अध्यक्षमा निर्वाचित भएका थिए । यादव भने उपाध्यक्ष निर्वाचित भएका थिए ।