इनरुवा, ३ पुस । नेकपा एमालेको एघारौँ महाधिवेशनबाट केपी शर्मा ओली पुनः पार्टी अध्यक्षमा निर्वाचित भएका छन्। अध्यक्षका प्रत्यासी ईश्वर पोखरेललाई भारी मतान्तरले पराजित गर्दै ओली तेस्रो कार्यकालका लागि अध्यक्ष बनेका हुन्।

केन्द्रीय निर्वाचन आयोगले सार्वजनिक गरेको अन्तिम मतपरिणामअनुसार अध्यक्षसहित अधिकांश पदमा ओली समूहका उम्मेदवारहरूको वर्चश्व देखिएको छ। दुई समूहले छुट्टाछुट्टै प्यानल बनाएर निर्वाचनमा सहभागिता जनाएका थिए।

पोखरेल प्यानलबाट उपमहासचिवमा योगेश भट्टराई र उपाध्यक्षमा गोकर्ण विष्ट मात्रै निर्वाचित भएका छन्। सचिव पदमा भने सबै ओली प्यानलकै उम्मेदवारहरू विजयी भएका छन्।