काठमाडौं, १४ पुस । राष्ट्रिय स्वतन्त्र पार्टी (रास्वपा) का सभापति रवि लामिछाने, काठमाडौं महानगरपालिकाका मेयर बालेन्द्र साह (बालेन) र उज्यालो नेपाल पार्टीका संरक्षक कुलमान घिसिङबीच सहमति भएको छ।
जेनजी अभियानका अगुवा सुदन गुरुङले तीन नेताबीच सहमति जुटेको जानकारी दिएका हुन्। गुरुङले भने, “मैले कुलमान, बालेन र रविलाई मिलाएरै छाडेँ।”
उनका अनुसार देशको वर्तमान राजनीतिक अवस्थालाई परिवर्तन गर्न नयाँ शक्तिहरूबीच एकता आवश्यक रहेको निष्कर्षसहित सहमति भएको हो। सहमतिका विस्तृत शर्त र चुनावी मोडालिटीबारे भने औपचारिक घोषणा हुन बाँकी रहेको जनाइएको छ।
तीनै व्यक्तित्वलाई वैकल्पिक राजनीति र सुशासनको पक्षधरका रूपमा हेरिँदै आएको छ। यस सहमतिले आगामी निर्वाचनमा नयाँ राजनीतिक ध्रुवीकरण हुने सम्भावना बढाएको विश्लेषण गरिएको छ।