इनरुवा,, ३० चैत । सुनसरीको देवानगञ्ज गाउँपालिका ६ मा रहेको अतिविपन्न परिवारका छेदी शर्माका लागि घर निर्माण गरिएको छ। राष्ट्रिय श्रम सांस्कृतिक पार्टीका कार्यकर्ताहरूले सामूहिक श्रमदानमार्फत टिनको घर निर्माण गरी परिवारलाई हस्तान्तरण गरेका हुन्।
आर्थिक अभावका कारण बसोबासमा समस्या भोग्दै आएका शर्माको परिवारलाई सहज जीवनयापनमा सहयोग पुर्याउने उद्देश्यले घर निर्माण गरिएको पार्टीले जनाएको छ। स्थानीय स्तरमै जुटेका कार्यकर्ताहरूको सक्रिय सहभागितामा छोटो समयमै घर निर्माण सम्पन्न गरिएको हो।
स्थानीयले यस कार्यको प्रशंसा गर्दै यस्ता सामाजिक कार्यले विपन्न समुदायलाई ठूलो राहत पुग्ने बताएका छन्।