इनरुवा, २३ असोज I  सरकारले भूमि सम्बन्धी समस्या समाधान आयोग र त्यसअन्तर्गतका सबै जिल्ला समितिहरू खारेज गर्ने निर्णय गरेको छ ।

बिहीबार सिंहदरबारमा बसेको मन्त्रिपरिषद् बैठकले भूमि समस्या समाधान आयोग गठन आदेश २०८१’ बमोजिम गठन भएको आयोग र जिल्ला समितिहरू खारेज गर्ने निर्णय गरेको हो ।

बैठकपछि सरकारका प्रवक्ता तथा सञ्चार तथा सूचना प्रविधि मन्त्री जगदीश खरेलले उक्त निर्णयबारे जानकारी दिएका हुन् । मन्त्रिपरिषद्को यो निर्णयसँगै आयोग र समितिहरू स्वतः विघटन भएका छन् ।