इनरुवा, १९ पुस । मारवाडी युवा दिवसको अवसरमा इनरूवामा रक्तदान कार्यक्रम आयोजना गरिएको छ ।
नेपाल राष्ट्रिय मारवाडी युवा संगठन अन्तर्गत रहेको मारवाडी युवा मञ्च इनरूवाको आयोजनामा उक्त कार्यक्रम सम्पन्न भएको हो ।
कार्यक्रममा रक्तदानजस्ता सामाजिक कार्यले आपतकालीन अवस्थामा बिरामीको ज्यान जोगाउन महत्वपूर्ण भूमिका खेल्ने भएकाले यस्ता कार्यक्रमलाई निरन्तरता दिनुपर्ने आयोजकले बताएका छन् ।
मारवाडी युवा मञ्च इनरूवाले समाजसेवा, स्वास्थ्य तथा मानवीय कार्यमा सक्रिय रूपमा योगदान पुर्याउँदै आएको जनाउँदै आगामी दिनमा पनि यस्ता जनहितका कार्यक्रमहरू निरन्तर आयोजना गर्ने प्रतिबद्धता व्यक्त गरेको छ ।