इनरुवा, ३ माघ । सुनसरीको भोक्राहा नरसिंह गाउँपालिका–स्थित हुलाकी मार्गमा बिहीबार मार्बल टायल बोकेको ट्रक दुर्घटना हुँदा बर्जु गाउँपालिकाका ५ जना कामदारको मृत्यु भएको घटनापछि उत्पन्न विवाद सहमतिमा टुंगिएको छ।

दुर्घटनापछि क्षतिपूर्तिको माग गर्दै मृतकका आफन्त र स्थानीयवासी आन्दोलनमा उत्रिएका थिए। सुनसरी जिल्ला प्रशासन कार्यालयको पहलमा मृतकका पक्ष र ट्रकका मार्बल व्यवसायीबीच भएको वार्तापछि क्षतिपूर्तिमा सहमति जुटेको हो।

सहमति अनुसार ट्रक व्यवसायी पक्षले प्रति मृतक ११ लाख रुपैयाँ क्षतिपूर्ति उपलब्ध गराउनेछ। त्यसैगरी बर्जु गाउँपालिकाले प्रति मृतक १ लाख रुपैयाँ छुट्टै सहयोग उपलब्ध गराउने निर्णय गरेको छ।